////CAMPUS ROCK ' 06////

Este xoves (mañá) celebrarase unha nova edición do
Campus Rock no Campus de Elviña da Coruña.
O programa é realmente apetitoso, e non so pola "churrascada repoñedora" do mediodía, senón polos grupos que tocarán durante todo o día, dende o mellorciño do panorama musical coruñés, con Pech Blenda, Meu e Triángulo de amor Bizarro, cerrando o grupo madrileño Spam, ata os dj´s que amenizarán a espera entre concerto e concerto.
Todo isto pola módica cifra de 0 euros.
Organizan Pulso e a U. Coruña.

(((+ info en 3w.pulso.ws )))

XA SE LLE VE A PORTADA....

Parece que todo vai ben, está san e ten toda-las páxinas...

¡¡Vai ser un Despregable moi guapo!!

O #8 verá a luz no Hospital Fidalgo a próxima semana, máis ou menos.
Ata entón, seguimos explorando...

*FESTA DO FANZINE MUNDO VERMELLO EN VILAGARCÍA*

3ª Festa de Aniversario do fanzine arousán "mundo vermello"

Será na praza da peixería o Sábado as 22.30 h.

Haberán prezos populares en barra e a entrada é de balde.

Os grupos que tocarán son:

Heissel de Tomiño

Doctor X de Vilagarcía

Noise Project de Valga

Renegados del Funky de Vilagarcía

a súa páxina web está en construcción pero se queredes gardar o link :
3w.mundovermello.tk

===CANCELADO===PACO FERNÁNDEZ EN VILAGARCÍA

=CANCELADO=

CANCELADO

"Paco Fernández, o espantoso home orquestra".

Fontes cercanas ao artista confirmaron esta mañá a cancelación deste bolo en Vilagarcía... ao que añadiron palabras que non pasaremos a reproducir.

.Sentimos as moletias.

Valle co Despregable!!

Os paparazzi cacharon onte a tarde na zona vella de Pontevedra ao escritor Valle-Inclán paseando co Despregable. Esta foto, captada polos teleobxectivos dos reporteiros gráficos da prensa rosa, fai pública a relación deste insigne literato co famoso fanzine que xa saira na prensa por outros escándalos varios.

Dende a Embaixada farase un comunicado oficial próximamente.

A voltA en VilAgArcíA

NA CAsA dA CulturA de VilAgArcíA
o díA 7 de Abril
As 21.00 hrs
coAs ActuAcións musicAis de:
Benito MALAsAngre
e
ÁlvAro Gómez
e por suposto o recitAl de
JuAn CArbAllo
nA presentAción do seu libro
NA miñA fiestrA
e outros poemAs de AndAr polA cAsA

"MACRO LIMPADÓN" EN CAMBADOS

Iria Ribadomar nos contou en que vai consistir esta actividade:
"Se trata de una recojida de basura por el litoral de Cambados. Pensamos que se podían hacer cuatro grupos y distribuirse en los puntos más críticos: la parte de atrás de Tragove, el muíño da seca, el muelle de Cambados, y el muelle de Santomé con la torre.Después, queríamos aprovechar parte de lo que se recoja para hacer esculturas y cosas así.
El Macro-limpadón es a las cuatro de la tarde en el Half al lado de la casa del mar."
Unha gran oportunidade para facernos un gran favor.

DESPREGABLE #7

Queridos Prusiáns do Mundo! outro número sabrosón para aledar as tardes dos sábados coma este.

Na portada, Borja Fernández! o rei da interpretación sen método.

No interior... colámonos na festa de cumpreanos de Ruxe Ruxe.

Entrevistamos a Meu, un grupo coruñés que promete.

E ademáisssssss....... un comic de Roi Fernández, os salvadeuses, unha imaxe do fotoxornalista brasileiro José Luiz Oubiña, un poema do famoso cambadés Augusto e as colaboracións habituais, completan un fanzine no que cada vez hai máis producto autóctono do Salnés.

Non hai que ir moi lonxe para atopar un bo espectáculo ou un bo grupo, entre os grelos tamén nacen artistas e no Despregable damos boa conta delo.

Nos vemos en los bares!!! (botellón?? oh! no!)

volta ás rías galegas en verso

VOLTA ás RÍAS GALEGAS en VERSO

Juan Carballo presentará hoxe, no Pub Vinilo do Grove o seu libro de poemas.

O acto consistirá na lectura dalgúns deles e da presentación dunha obra multimedia de Nuria Díaz colaboradora do seu libro no apartado ilustrativo.

A partir das 22.30.

Se non podedes acercarvos hoxe o SABADO farase no Patín de Cambados, e ademáis haberá un pequeno concerto en plan "jam session".

Organiza: e.p.

=..=AGARDANDO POLO # 7=..=

::::::::XA ESTÁ PRONTO A CHEGAR::::::::::
A SEMANA PRÓXIMA O #7 VERÁ A LUZ
MENTRES TANTO SEGUIMOS A EXPLORAR

Mostra "PERIFERIAS en Pontevedra

Tra-lo éxito da mostra que tivera lugar na casa da cultura de Vilagarcía o Decembro pasado, Xaquín Rosales repite pero desta vez na sala Sargadelos de Pontevedra.

A mostra presenta de novo a serie fotográfica "Periferias" con imaxes da actualidade galega, nas que a estética ten unha presenza moi importante.

Mañá venres día 24 as 20:00 horas, terá lugar a inauguración. A cita é na Rúa Oliva, frente a Correos.

(A Embaixada Prusiana é unha das promotoras do evento.)

O DESPREGABLE NAS ONDAS

O martes pasado debutamos no mundo da radio (susssto) grazas a invitación de Xabi Sanmartín e ao seu programa a Ganzúa, en radio obradoiro.

Falamos do noso fanzine Despregable, dos cedes de agasallo para os socios, de como vemos o panorama cultural galego... en fin, dunha morea de cousas, ¡que chegamos para unha entrevista de 15 minutos e tiramos aló case unha hora... !

Toda unha experienza

:::::::::··"""CENSUS"""·· ::::::::::

O martes que ven, o 21 de febreiro as 21.30 hrs, se representará na Sala Nasa de Santiago a obra Census.

É unha mistura de performance, teatro, interactividade e medios dixitais, na que se propón unha nova mirada a emigración dende unha perspectiva moi clarificadora.

É unha obra de Ludd, a plataforma artística que entrevistamos no último número do Despregable, e que está composta por Roi Fernández, Isaac Cordal, Ignacio Muñoz, Miguel Seoane e Nela Quesada.

FESTA PRESENTACIÓN DESPREGABLE #6

CC .... Para esta festa contaremos coa actuación do VMJ Trío, que amenizarán a velada do VENRES 27, no Café Continental de Cambados, onde esperamos atoparvos a partir das 23.00 h da noite.
Outro ano máis queremos dinamizar a oferta cultural do Salnés, desta volta tocou en Cambados, pero se queredes que algún día presentemos o fanzine na vosa vila avisádenos, deste xeito faremos chegar esta iniciativa a tódo-los rincóns da comarca. Deica o venres.... CC

DESPREGABLE #6

¬··Dende o Despregable saudamos ao 2mil6 cunha gran cantidade de contidos, máis dos habituais. Hainos de todo tipo, cine, arte, música, propostas innovadoras... e case todos galegos, o que xa ven sendo sinónimo de "calidade" ¿ou non recordades aquel famoso spot publicitario?
A partir de xa! o podedes atopar en:
¬Vilagarcía: Librerías O rincón do Lector, Limiar ou Pampín.
¬Cambados: Rif Rock pub, A Leria, Café Continental, Café Tetuán, Pub a Cloaca...
¬Santiago: Pub Tupper Ware, A Reixa...
¬Pontevedra: Librería Paz...
... e pronto o distribuiremos en máis puntos ...
**************AtA A festA*************

anuario DESPREGABLE 05

Para recibi-lo noso fanzine so tendes que poñervos en contacto connosco na dirección embaixadaprusiana@yahoo.es. De seguido vos contestaremos para que podades recibi-lo Despregable nas vosas casas, cos seus regalos incluídos.

Vos amosamos a imaxe da portada do anuario que editamos o pasado Decembro, celebrando un ano de fanzine e con un resumo de tódo-los números e de todas-las actividades da embaixada.

En breve o # 6 con interesantes reportaxes

EMBAIXADA AUDIOVISUAL 05

EMBAIXADA AUDIOVISUAL 05

O día 23 de nadal, as 20:30hrs no Auditorio de Vilagarcía, poderedes asistir de forma gratuita, a proxección das curtas gañadoras do Festival de Cans de O Porriño, produccións galegas de gran calidade. Ademáis proxectaremos o documental Mariñeiros en Terra, que trata a catástrofe do Prestige dende o punto de vista dos máis afectados.

Vémonos alí, prusiáns do mundo....

e no interior ... o nº 5!!

Este número 5 ven cerrar o primeiro ano de actividades da Embaixada, a pintura de Fernando Arenaz, The Sonics, Charlie Parker, Cine Asiático, banda deseñada e moito máis ... son algúns dos temas dos que falaremos no Despregable de novembro-decembro
se sodes socios xA o podedes reclamar, senón o atoparedes nos bares e librerías de costume
...e proximamente a festa de presentación...
>>un saúdo prusián<<

PERIFERIAS de Xaquín Rosales

A mostra fotográfica Periferias, pódese ver dende o pasado venres día 4 na Sala Caixanova da Casa da Cultura en Vilagarcía de Arousa.
O feismo urbanístico é o tema principal da serie de fotografías de Rosales, tendo unha segunda lectura na situación de Galicia como periferia da producción artística.
A pesar desta situación a calidade artística da nosa terra pode competir con calquer outro lugar do mundo.
A Embaixada Prusiana foi a promotora do evento, así que esperamos a vosa visita.

O ÚLTIMO DESPREGABLE DO 2005???

Queridos prusiáns, achégase a data final para a recepción das vosas colaboracións ó Despregable nº5.

Collede a máquina de escribir, o ordenador, ou a pluma e non dubidedes en enviarnos as vosas críticas de cine, arte, música, fotos, comics...